រាជធានីភ្នំពេញ ៖ គូសង្សារដែលនាំគ្នាទៅអង្គុយនែបនិត្យឱបថើបគ្នានៅកន្លែងងងឹតហើយស្ងាត់ ព្រោះផែនដីនេះមានតែពួកគេ២នាក់ បានត្...
រាជធានីភ្នំពេញ ៖ គូសង្សារដែលនាំគ្នាទៅអង្គុយនែបនិត្យឱបថើបគ្នានៅកន្លែងងងឹតហើយស្ងាត់ ព្រោះផែនដីនេះមានតែពួកគេ២នាក់ បានត្រូវជនសង្ស័យ៣នាក់មកដល់ធ្វើជាខ្ចីទូរស័ព្ទរួចហើយដកដាវគំរាមកាប់ និងប្លន់យកម៉ូតូហុងដាឌ្រីមទៅលាក់ទុកនៅដីឡូត៍មួយកន្លែង ។ ទោះជាយ៉ាងណា ម៉ូតូនេះត្រូវសមត្ថកិច្ចរកឃើញមកវិញ ដែលចាត់ទុកថាជាសំណាងខ្ពស់ណាស់តែសម្រាប់ថ្ងៃក្រោយសុំកុំរាង ។
ហេតុការណ៍នេះ កើតឡើងកាលពីវេលាម៉ោង៩យប់ ថ្ងៃទី២៩ ខែមករា នៅដីវាលខាងលិចរបងរោងចក្រកាណាឌីយ៉ា ក្រោយរោងទឹកត្នោតជូរ ក្នុងភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ ។
ម្ចាស់ម៉ូតូឈ្មោះ ឈឿន ឈីន អាយុ២២ឆ្នាំ ជាកម្មកររោងចក្រ ស្នាក់នៅផ្ទះជួលក្នុងភូមិត្រពាំងថ្លឹង សង្កាត់ចោមចៅ មានស្រុកកំណើតនៅភូមិពពាយ ឃុំទ្រា ស្រុកស្ទោង ខេត្តកំពង់ធំ។
ចំណែកនារីជាគូស្នេហ៍ឈ្មោះ ធួ ឡែន អាយុ១៨ឆ្នាំ ជាកម្មររោងចក្រ ស្នាក់នៅភូមិត្រពាំងថ្លឹង សង្កាត់ចោមចៅ មានស្រុកកំណើតជាមួយគ្នា ។ រីឯម៉ូតូដែលជនសង្ស័យប្លន់យកទៅម៉ាកហុងដាឌ្រីម ស៊េរី២០១៧ ពណ៌ខ្មៅ ពាក់ផ្លាកលេខ កំពង់ធំ ១I-៣០៨០ ។
តាមម្ចាស់ម៉ូតូបានឲ្យដឹងថា កន្លងមករូបគេនិងសង្សារ តែងតែនាំគ្នាទៅអង្គុយសាសងនៅចំណុចខាងលើដែលជាកន្លែងស្ងាត់ដូចសព្វដង ។ ដោយឡែក នៅយប់នោះស្រាប់តែលេចមុខជន៣នាក់ដើរមកក្បែរ រួចសុំខ្ចីទូរស័ព្ទរបស់ខ្លួន តែខ្លួនបានប្រាប់ថាទូរស័ព្ទអស់ទឹកប្រាក់ហើយ ។ ភ្លាមនោះ ជនសង្ស័យបានដកដាវមកគំរាមកាប់និងប្លន់យកម៉ូតូ ហើយដោយការភ័យខ្លាចក៏ប្រគល់សោម៉ូតូទៅចោរទាំងនោះជិះយកទៅបាត់ទៅ ។
ក្រោយកើតហេតុជាងមួយម៉ោង ទើបជនរងគ្រោះអន់ភ័យហើយទៅប្តឹងនគរបាលប៉ុស្តិ៍ចោមចៅឲ្យជួយអន្តរាគមន៍ ។ សមត្ថកិច្ចបាននាំម្ចាស់ម៉ូតូទៅចង្អុលបង្ហាញកន្លែងកើតហេតុ និងប្រាប់ពីផ្លូវដែលចោរជិះចេញទៅ ទើបសមត្ថកិច្ចក្តាប់បានរួចម្ចាស់ម៉ូតូទៅកាន់ដីឡូត៍មានព្រៃមួយកន្លែងស្ថិតនៅក្រោយភូមិគោកចំបក់ ពីព្រោះកន្លែងដីឡូត៍នេះពីមុនធា្លប់មានចោរយកវត្ថុតាងទៅលាក់ទុកនៅទីនោះ ។ លុះសមត្ថកិច្ចនាំជនរងគ្រោះទៅមើល ស្រាប់តែឃើញម៉ូតូដែលចោរប្លន់យកនេះទៅលាក់ទុកទីនោះមែន ដោយយកមែកឈើគ្របពីលើ ។
ក្រោយពេលរកឃើញវិញ សមត្ថកិច្ចបាននាំយកម៉ូតូទៅរក្សាទុកនៅផ្នែកនគរបាលព្រហ្មទណ្ឌខណ្ឌពោធិ៍សែនជ័យ ។ ចំណែកម្ចាស់ម៉ូតូ បានមកដាក់ពាក្យបណ្តឹងនៅប៉ុស្តិ៍នគរបាលចោមចៅ ដើម្បីកំណត់មុខសញ្ញាតាមចាប់ជនល្មើសយកមកផ្តន្ទាទោសតាមច្បាប់ ៕ អរគុណដល់ប្រភព៖ កោះសន្ដិភាព
ហេតុការណ៍នេះ កើតឡើងកាលពីវេលាម៉ោង៩យប់ ថ្ងៃទី២៩ ខែមករា នៅដីវាលខាងលិចរបងរោងចក្រកាណាឌីយ៉ា ក្រោយរោងទឹកត្នោតជូរ ក្នុងភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ ។
ម្ចាស់ម៉ូតូឈ្មោះ ឈឿន ឈីន អាយុ២២ឆ្នាំ ជាកម្មកររោងចក្រ ស្នាក់នៅផ្ទះជួលក្នុងភូមិត្រពាំងថ្លឹង សង្កាត់ចោមចៅ មានស្រុកកំណើតនៅភូមិពពាយ ឃុំទ្រា ស្រុកស្ទោង ខេត្តកំពង់ធំ។
ចំណែកនារីជាគូស្នេហ៍ឈ្មោះ ធួ ឡែន អាយុ១៨ឆ្នាំ ជាកម្មររោងចក្រ ស្នាក់នៅភូមិត្រពាំងថ្លឹង សង្កាត់ចោមចៅ មានស្រុកកំណើតជាមួយគ្នា ។ រីឯម៉ូតូដែលជនសង្ស័យប្លន់យកទៅម៉ាកហុងដាឌ្រីម ស៊េរី២០១៧ ពណ៌ខ្មៅ ពាក់ផ្លាកលេខ កំពង់ធំ ១I-៣០៨០ ។
តាមម្ចាស់ម៉ូតូបានឲ្យដឹងថា កន្លងមករូបគេនិងសង្សារ តែងតែនាំគ្នាទៅអង្គុយសាសងនៅចំណុចខាងលើដែលជាកន្លែងស្ងាត់ដូចសព្វដង ។ ដោយឡែក នៅយប់នោះស្រាប់តែលេចមុខជន៣នាក់ដើរមកក្បែរ រួចសុំខ្ចីទូរស័ព្ទរបស់ខ្លួន តែខ្លួនបានប្រាប់ថាទូរស័ព្ទអស់ទឹកប្រាក់ហើយ ។ ភ្លាមនោះ ជនសង្ស័យបានដកដាវមកគំរាមកាប់និងប្លន់យកម៉ូតូ ហើយដោយការភ័យខ្លាចក៏ប្រគល់សោម៉ូតូទៅចោរទាំងនោះជិះយកទៅបាត់ទៅ ។
ក្រោយកើតហេតុជាងមួយម៉ោង ទើបជនរងគ្រោះអន់ភ័យហើយទៅប្តឹងនគរបាលប៉ុស្តិ៍ចោមចៅឲ្យជួយអន្តរាគមន៍ ។ សមត្ថកិច្ចបាននាំម្ចាស់ម៉ូតូទៅចង្អុលបង្ហាញកន្លែងកើតហេតុ និងប្រាប់ពីផ្លូវដែលចោរជិះចេញទៅ ទើបសមត្ថកិច្ចក្តាប់បានរួចម្ចាស់ម៉ូតូទៅកាន់ដីឡូត៍មានព្រៃមួយកន្លែងស្ថិតនៅក្រោយភូមិគោកចំបក់ ពីព្រោះកន្លែងដីឡូត៍នេះពីមុនធា្លប់មានចោរយកវត្ថុតាងទៅលាក់ទុកនៅទីនោះ ។ លុះសមត្ថកិច្ចនាំជនរងគ្រោះទៅមើល ស្រាប់តែឃើញម៉ូតូដែលចោរប្លន់យកនេះទៅលាក់ទុកទីនោះមែន ដោយយកមែកឈើគ្របពីលើ ។
ក្រោយពេលរកឃើញវិញ សមត្ថកិច្ចបាននាំយកម៉ូតូទៅរក្សាទុកនៅផ្នែកនគរបាលព្រហ្មទណ្ឌខណ្ឌពោធិ៍សែនជ័យ ។ ចំណែកម្ចាស់ម៉ូតូ បានមកដាក់ពាក្យបណ្តឹងនៅប៉ុស្តិ៍នគរបាលចោមចៅ ដើម្បីកំណត់មុខសញ្ញាតាមចាប់ជនល្មើសយកមកផ្តន្ទាទោសតាមច្បាប់ ៕ អរគុណដល់ប្រភព៖ កោះសន្ដិភាព
COMMENTS